Ҳамюртимиз Ҳожимат Эркинов тўп сураётган Москванинг "Торпедо" клуби бош мураббийи Александр Бородюк истеъфо ҳақидаги миш-мишлардан унчалик хавотирда эмаслигини, чунки улар ҳақида ҳеч нарса билмаслигини айтди. Чунки, бу хабар тарқалган пайтда мураббий маст бўлган.
"Кеча мен маст эдим, шунинг учун ҳеч нарса ўқимадим. Шундай ёзишингиз мумкин (кулади)" - деди Бородюк.
Аввалроқ Виктор Гончаренко "Торпедо" мураббийи лавозимига фаворит сифатида эътироф этилганди. "Оқ-қоралар" ҳозирча тўртта учрашувдан сўнг бир очкога эга бўлиб туришибди.
