Каталониянинг "Барселона" клуби собиқ президенти Жоан Лапортанинг таъкидлашича, Хосеп Гвардиола ўз вазифаси кирмайдиган ишларни ҳам қилишда эринмаган.
"Гвардиола битта мураббийдан каттароқ вазифани бажарарди. Унинг клубда олиб борган ишлари "Барселона" тарихининг бош саҳифаларидан жой олиши керак. "Барселона"дан кетиш унинг ўахсий қарори. Тўғри у чарчади, лекин бунга бошқа вазифалари ҳам сабаб бўлган. Масалан клуб футболчиларининг допинг назоратидан ўтиши борасида масалалар бўйича янги қарорни президент чиқариши керак эди. Аммо бу пайтда барчасини Гвардиола гарданига олди. У бир неча бор клуб президенти вазифасида ҳам ишлар олиб борарди. Бир сўз билан айтганда у ўз вазифасига кирмайдиган ишлар билан ҳам шуғулланарди", дейди Лапорта.