Footmercato хабарига кўра, "Наполи" ва "Вильярреал" "Тоттенхэм" ва Франция терма жамоаси ярим ҳимоячиси Тангуй Ндомбелега қизиқиш билдирмоқда.

Манбанинг хабарига кўра, Италия ва Испания клублари ёзги трансфер ойнасида футболчини ижарага олиш вариантини кўриб чиқмоқда. “Шпорлар” футболчи билан хайрлашишга тайёр, бироқ уни тўлиқ сотмоқчи, чунки унинг маоши йилига 15 миллион евро атрофида.

25 ёшли Ндомбеле ўтган мавсумда "Лион"да ижара асосида ўйнади ва клуб сафида 27та ўйинда майдонга тушди ва 2та гол урди. Унинг "Тоттенхэм" билан шартномаси 2025 йилнинг ёзига қадар мўлжалланган.