Туриннинг “Торино” клуби матбуот хизмати расмий сайтида Лондоннинг “Вест Хэм” клуби ва Хорватия терма жамоаси ярим ҳимоячиси Никола Влашич трансфери ҳақида хабар берди.
Италия клуби футболчини 2023 йилнинг ёзига қадар 15 миллион еврога сотиб олиш имконияти билан ижарага олган.
24 ёшли Влашич 2021 йилдан бери “Вест Хэм” сафида тўп тепиб келади. Умуман олганда, у клуб сафида барча мусобақаларда 31 та ўйинда майдонга тушиб, битта гол урган ва иккита голли узатмани амалга оширган. У Хорватия терма жамоаси сафида 39 та ўйин ўтказиб, 7 та гол урган.
