"Манчестер Сити" ярим ҳимоячиси Бернарду Силва ёзги трансфер ойнасида "Барселона"га ўтишга тайёр, дея хабар беради журналист Бен Жейкобс.
Манбанинг хабарига кўра, 28 ёшли португалиялик трансферга тайёр, аммо клублар келишув шартлари бўйича ҳозирча келиша олмаяпти.
Қайд этилишича, "шаҳарликлар" ярим ҳимоячини тахминан 65 миллион фунт стерлингга сотишга рози бўлишади.
Шу билан бирга, Бернардунинг ўзи Каталония клубига ўтиш истагига қарамай, трансферни мажбурламайди.
Силва ўтган мавсумда “Манчестер Сити” сафида 50 та ўйинда майдонга тушиб, 13 та гол урди ва 7 та голли узатмани амалга оширди. Ярим ҳимоячининг клуб билан шартномаси 2025 йилнинг 30 июнига қадар мўлжалланган.
