"Манчестер Юнайтед" ҳужумчиси Маркус Рэшфорд ёзги трансферлар вақтида "ПСЖ"га ўтмайди, деб хабар беради Sky Sports.
Манбага кўра, манкунианликлар клуби 24 ёшли англияликни сотишдан манфаатдор эмас. Қайд этилишича, “қизил иблислар” яна бир ҳужумчи билан шартнома имзоламоқчи.
Шу билан бирга, парижликлар ҳам ёзда ҳеч ким сотилмаса, трансферни амалга оширмайди. Ҳужумчи клуб учун узоқ муддатли мақсад бўлиб қолади.
Ўтган мавсумда Рэшфорд "Манчестер Юнайтед" сафида барча мусобақаларда 32 ўйинда 5 та гол урди ва 2 та голли узатмани амалга оширди. Унинг клуб билан шартномаси 2023 йилнинг 30 июнига қадар амал қилади.
