“Арсенал” ва “Челси”нинг собиқ ҳужумчиси Виллиан Англияга қайтишга яқин, деб хабар беради talkSport.

Виллиан ва "Фулхэм" ўртасида бир неча кундан бери қизғин музокаралар олиб борилмоқда. Тез орада 34 ёшли бразилиялик футболчи Марк Силва бошқарувидаги жамоага қўшилиши керак.

Аввалроқ Виллиан мухлислари билан тил топиша олмагани туфайли "Коринтианс" билан шартномасини бекор қилганди.

Виллиан 2013 йил августидан 2020 йил августигача “Челси”да ўйнаган.

Жорий мавсумда вингер “Коринтианс” сафида 36 та ўйинда майдонга тушиб, 1 та гол урди ва 4 та голли узатмани амалга оширди.