Англия чемпионатининг 2-тури доирасида бўлиб ўтган «Челси» – «Тоттенхэм» баҳсидан кейин ҳар икки жамоа бош мураббийи Томас Тухель ва Антонио Конте қизил карточка билан жазоланишди.
«Шпорлар» иккинчи бўлимга қўшиб берилган 6-дақиқада ҳисобни тенглаштиришди. Ўйиндан кейин мураббийлар ўзаро қўл ташлашди, аммо Тухель ҳамкасбининг қўлини қўйиб юбормаган ҳолда, "кўзимга қара" ишорасини қилди. Бу эса Контега ёқмади ва улар ўртасида жанжал келиб чиқди.
Футболчилар ва бошқа ходимлар уларни ажратиб қўйишди. Ҳакам Энтони Тэйлор эса ҳар иккисига қизил карточка кўрсатди.