"Барселона" ва Нидерландия терма жамоаси ярим ҳимоячиси Френки де Йонг "Манчестер Юнайтед"га ўтмайди, деб хабар беради Sky Sports.

Манбанинг хабарига кўра, инглиз клуби раҳбарияти музокаралар жуда узоқ давом этганлиги сабабли нидерландиялик футболчини сотиб олишдан воз кечишга қарор қилган. Аввалроқ манкунианликлар футболчини тахминан 80 миллион еврога сотиб олишга рози бўлгани, бироқ Де Йонгнинг ўзи бу трансферга рози бўлмагани ҳақида хабар берилганди.

25 ёшли Френки жорий мавсумда “Барселона” сафида битта ўйинда майдонга тушди. Унинг клуб билан шартномаси 2026 йилнинг ёзига қадар мўлжалланган.