"Barselona" va Niderlandiya terma jamoasi yarim himoyachisi Frenki de Yong "Manchester Yunayted"ga o‘tmaydi, deb xabar beradi Sky Sports.
Manbaning xabariga ko‘ra, ingliz klubi rahbariyati muzokaralar juda uzoq davom etganligi sababli niderlandiyalik futbolchini sotib olishdan voz kechishga qaror qilgan. Avvalroq mankunianliklar futbolchini taxminan 80 million yevroga sotib olishga rozi bo‘lgani, biroq De Yongning o‘zi bu transferga rozi bo‘lmagani haqida xabar berilgandi.
25 yoshli Frenki joriy mavsumda “Barselona” safida bitta o‘yinda maydonga tushdi. Uning klub bilan shartnomasi 2026 yilning yoziga qadar mo‘ljallangan.