"Сўғдиёна" клуби бош мураббийи Улуғбек Бақоев ОФК кубоги доирасида "Хўжанд"га қарши бўлиб ўтган баҳс (4:0) борасида ўз фикрлари билан ўртоқлашди.

"Иқлим шароити туфайли ўйин қийинчилик туғдирди. Ўйинчилар иссиқ ҳавода қийналишди. Биз эса яратилган вазиятлардан унумли фойдаланиб, биринчи бўлимда 3та гол уриб олдик. Бу эса имкониятларимизни оширди. Иккинчи бўлимда бир нечта ўзгаришлар қилганимиздан кейин ўйинимиз яна яхшиланди. Ўйин учун йутболчиларга миннатдорчилик билдираман. Шунингдек, мухлисларимизга ҳам раҳмат айтмоқчиман.

Ўнг қанотда ўйнайдиган ҳимоячимиз дисквалификация қилингани учун Виталий Денисовни ўнг томонда ўйнатдим. Назаримда, у жуда яхши ўйнади. Профессионал футболчи, эҳтиёж туғилса, майдоннинг ҳар қандай нуқтасида ўйнашни билиши керак.

Ҳар бир ўйинда хатоларга йўл қўйилади. Уйга қайтганимиздан кейин уларни таҳлил қиламиз ва тегишли хулосаларни чиқарамиз", — деди Бақоев.