"Тоттенхэм"нинг янги аъзоси Иван Перишич "Вулверхэмптон"га қарши Англия Премьер-лигасининг 3-тури доирасида бўлиб ўтадиган ўйининг асосий таркибидан жой олди ва янги жамоасининг асосий таркибдаги дебют учрашувини ўтказади.
Ришарлисон, Биссум ва Лангле каби янги келган футболчилар эса захирада қолишди. Жамоага шу йилнинг ёзида келиб қўшилган Иван Перишич "Тоттенхэм"нинг аввалги ўйинларида захирадан майдонга тушганди.
Эслатиб ўтамиз, дастлабки икки турда "Тоттенхэм" "Челси" ва "Саутгемптон" билан ўйинда тўрт очко олган эди. "Шпорлар" бош мураббийи Антонио Конте "Челси"га қарши ўйиндан сўнг қизил карточка олгани учун бугунги учрашувда захира ўриндиғидан жой олмайди.
