Туркиянинг “Кайсериспор”, “Қосимпаша” ва “Трабзонспор” клубларининг собиқ бош мураббийи Шота Арвеладзе россиялик ҳужумчи Артем Дзюбанинг Туркия чемпионатидаги дебют учрашувида “Фенербахче” дарвозасига урган голи кутилмаган ҳолат эмаслигини айтди.

“Ҳар бир янги жамоа футболчи учун янги қадамдир. У кичкина бола эмас. Мен Россияни тарк этиш учун мотивация топдим, бу бир нарса. Унинг биринчи ўйинда гол уришида ана шу мотивация муҳим рол ўйнади.

Дзюбанинг гол уриши, менимча, ҳеч кимни ажаблантирмайди. У аввал ҳам гол урган, ўзини яхши кўрсатган. Ҳозир Туркияда ўзини кўрсатиб, голлар урмоқда.

Унда Туркия чемпионатида муваффақиятга эришиш, жумладан, энг яхши тўпурар бўлиш учун барча имконият бор”, — деди "Пахтакор"нинг собиқ бош мураббийи.