Аргентиналик футбол юлдузи Лионел Месси бир неча кун аввал Криштиано Роналдунинг у ҳақида айтиб ўтган фикрларига эътибор бермаганини айтиб ўтди.
"Мен Криштиано Роналдунинг фикрларига ҳеч қандай мулоҳаза билдирмоқчи эмасман" дейди футболчи.
Шунингдек, Мессининг Қироллик клубига ўтиш эҳтимоли ҳақида сўралганида, у "Барселона"да фаолиятини якунлаш истагида эканлигини айтиб ўтди.
"Мен Мадрид клубига қўшилиш ҳақида ўйламаяпман. Барселона менинг уйим ва мен бу ерда фаолиятимнинг охиригача қолмоқчиман. Умид қиламанки, шундай бўлади."
"Барселона"даги мураббийлар алмашинуви ҳақида фикр билдирар экан, Тито Вилланова билан ҳам муваффақиятга эришишларига умид қилишини айтиб ўтди.
"Биз Гвардиоланинг ўрнига Тито келганидан хурсандмиз. Тито Гвардиола бажарган ишни давом эттиради деб ўйлайман. Пеп кетганда биз ҳақиқатдан ҳам хафа бўлган эдик, чунки биз буни кутмаган эдик. Бироқ, Тито билан ҳам ҳеч қандай ўзгаришларсиз шундай давом этишидан умидворман."
