"ПСЖ" ҳимоячиси Абду Диалло ёзда "Милан"га ўтмайди. L'Equipe хабарига кўра, 26 ёшли сенегаллик итальян клубининг спорт лойиҳасига ишонмаган.
Диаллонинг амалдаги шартномаси 2024 йилнинг 30 июнига қадар тузилган. Transfermarkt портали футболчининг нархини 18 миллион еврога баҳоламоқда.
Сенегаллик футболчи 2019 йилдан буён "ПСЖ"да ўйнаб келмоқда. Бу вақт ичида у жамоа сафида барча мусобақаларда 75 та ўйин ўтказиб, 4 та голли узатмани амалга оширган.