"Ювентус" "Марсель" ҳужумчиси Аркадиуш Милик билан шартнома имзолаганини расман эълон қилди.
28 ёшли польшалик футболчи Турин клубига 8 миллион еврога сотиб олиш опцияси билан бир йиллик ижара асосида ўтди. Transfermarkt портали Польша терма жамоаси футболчисини 16 миллион еврога баҳоламоқда.
Ўтган мавсумда ҳужумчи француз клуби сафида 37 та ўйин ўтказиб, 20 та гол урган ва 2 та голга ассистентлик қилган. Франция чемпионининг жорий мавсумида Милик иккита ўйин ўтказди.
Милик 2020 йилдан бери "Марсель" шарафини ҳимоя қилиб келмоқда. Аввалроқ у "Наполи", "Аякс" ва "Байер" клубларида ҳам ўйнаган.
