"Олимпиакос" таркибида Греция чемпионатида тўп сураётган гвинеялик ярим ҳимоячи Муҳаммад Камара фаолиятини Италия А Сериясида давом эттириши мумкин.

Журналист Фабрицио Романонинг ижтимоий тармоқларда эълон қилинган маълумотларига кўра, "Рома" футболчига даъвогарлик қилмоқда. Пойтахт клуби "Олимпиакос" билан Камара борасида шартнома имзолаш бўйича музокара жараёнини бошлаб юборди. Футболчининг ўзи билан "бўрилар" шахсий шартнома тафсилотларини келишиб олган.

"Рома" Италия чемпионатининг янги мавсумини иккита ғалаба билан бошлади. Жозе Моуриньо шогирдлари кейинги сафар Туринда "Ювентус" билан ўйнайди.