Ҳужумчи Антони Марсьяль жароҳати сабаб "Манчестер Юнайтед"нинг янги мавсумдаги иккита дастлабки ўйинини ўтказиб юборди.
Премьер-лиганинг 3-турида франциялик футболчи ниҳоят майдонга тушди. У захирадан майдонга тушди ва "Ливерпуль" билан баҳснинг бутун иккинчи ярмини ўтказди. 45-дақиқада Марсьяль голли узатмани амалга оширди.
Энди у яна лазаретга қайтди. Матбуот анжуманида “қизил иблислар” бош мураббийи Эрик тен Хаг франциялик футболчининг товони билан боғлиқ муаммолари борлигини айтди. Марсьяль 27 август, шанба куни соат 16:30да бошланадиган "Саутгемптон"га қарши АПЛ доирасидаги сафар ўйинини ўтказиб юборади.
