"Интер" бош мураббийи Симоне Индзаги Италия чемпионатининг 3-тури доирасида "Лацио"дан учралган мағлубият (1:3) ҳақида фикр билдирди.

“Бу мағлубият қандай содир бўлганини ҳисобга олсак, оғриқли. Бу анча тенг ўйин бўлди, Луис Альбертонинг голи уни ўзгартирди. Думфрис жуда қулай имкониятга эга бўлди, ҳисоб 1:1 бўлганида, биз имкониятдан унумли фойдаланишимиз керак эди.

Фақат ҳужумчилар эмас, ҳамма борини бериши керак. Ҳисоб тенглашганидан кейин ғалаба қозониш учун бизга кўпроқ чидамлилик ва қатъият керак эди", - деди ўйиндан сўнг мураббий.

“Лацио” А Серияда 3 турдан кейин 7 очко билан пешқадамлик қилмоқда. “Интер” эса 6 очко билан 4-ўринда.

Кейинги турда “Лацио” 31 август куни сафарда “Сампдория” билан ўйнайди. "Интер" 30-да ўз уйида "Кремонезе"ни қабул қилади.