"Манчестер Юнайтед"нинг собиқ ярим ҳимоячиси Пол Скоулз ҳужумчи Криштиану Роналдунинг манкунианликлар клубида қолишига умид билдирди.
"Умид қиламанки, Роналду "Манчестер Юнайтед"да қолади", деди Скоулз.
- "Саутгемптон" билан ўйинда мен у жамоага керак деб ўйлагандим. Марказда ўйинни мувофиқлаштирадиган одам етишмади. 37 ёшда сиз рақибларни тезликда қувиб ўта олмайсиз, лекин у тўпни ушлаб туришда ёки ҳужумга нуқта қўйишда жуда яхши. Рэшфорд бу нуқтада бутунлай бошқача футболчи. Турли вақтларда ҳар хил турдаги ўйинчилар керак бўлади".
"Саутгемптон"га қарши ўйинда 37 ёшли португалиялик футболчи 68-дақиқада захирадан майдонга тушди.
Жорий мавсумда Роналду манкунианликлар сафида Премьер-лигада тўртта ўйинда қатнашди ва самарали ҳаракатлари билан ажралиб турмади. Ҳужумчининг клуб билан шартномаси 2023 йилнинг 30 июнига қадар мўлжалланган.
