"Арсенал" вингери Букайо Сака ўз жамоаси билан тез орада янги шартнома имзолаши ҳақида гапирди.
Сака 2019 йилдаги дебютидан бери катта ютуқларга эришди ва 20 ёшида “Арсенал”нинг асосий ўйинчиларидан бири ҳисобланади.
Август ойи бошида "канонирлар" бош мураббийи Микель Артета Сака билан шартномани янгилашга "жуда ишонган"лигини айтди ва Букайо ҳам худди шундай ҳис қилмоқда.
"Ҳа, мен унинг ишончига қўшиламан. Мен жамоадошларим, мураббийларим ва мухлисларнинг меҳрини ҳис қиляпман. Ҳа, улар мени бу ерда чинакам севишларини ҳис қиляпман", - деди Сака The Independent билан суҳбатда.
