The Athletic хабарига кўра, Криштиану Роналдунинг Манчестерда қолиш эҳтимоли деярли юз фоизни ташкил қилади.
37 ёшли футболчи ва унинг агенти Хорхе Мендеш бутун ёз давомида "Манчестер Юнайтед"ни тарк этишга ҳаракат қилишди. Бу клубнинг Чемпионлар лигасига чиқа олмагани туфайли юз берди.
Бироқ Чемпионлар лигасида иштирок этадиган клубларнинг ҳеч бири португалиялик футболчига қизиқиш билдирмади. Энди Роналду Европа Лигасидаги бир мавсумга рози бўлиши мумкин.
Криштиану вазиятни қабул қилган кўринади. Каррингтон манбаларининг айтишича, сўнгги кунларда унинг муносабатида "ижобий ўзгаришлар" бўлган.
