The Athletic xabariga ko‘ra, Krishtianu Ronalduning Manchesterda qolish ehtimoli deyarli yuz foizni tashkil qiladi.
37 yoshli futbolchi va uning agenti Xorxe Mendesh butun yoz davomida "Manchester Yunayted"ni tark etishga harakat qilishdi. Bu klubning Chempionlar ligasiga chiqa olmagani tufayli yuz berdi.
Biroq Chempionlar ligasida ishtirok etadigan klublarning hech biri portugaliyalik futbolchiga qiziqish bildirmadi. Endi Ronaldu Yevropa Ligasidagi bir mavsumga rozi bo‘lishi mumkin.
Krishtianu vaziyatni qabul qilgan ko‘rinadi. Karrington manbalarining aytishicha, so‘nggi kunlarda uning munosabatida "ijobiy o‘zgarishlar" bo‘lgan.
