Хабарингиз бор, биринчи давранинг сўнгги учрашувлари 30 июн ва 1 июл кунлари бўлиб ўтади.

1 июл куни Ғузорнинг “Шўртан” клуби Зарафшон шаҳрига сафар уюштиради ва маҳаллий “Қизилқум” жамоасига қарши баҳс олиб боради.

Куни кеча, Ўзбекистон Профессионал Футбол Лигасининг “Ҳакамлар ва Назоратчилар қўмитаси” томонидан 13-тур ўйинларини бошқариб борадиган ҳакамлар рўйҳати эълон қилинди.

Унга кўра, 1 июл куни Зарафшон шаҳрида бўладиган “Қизилқум”-“Шўртан” жамоалари ўртасидаги баҳсни Андижонлик Темур Тўҳтасинов бошқариб борадиган бўлди.

Унга қанотларда ҳамшаҳарлари – Улуғбек Каримов ва Анвар Маражабовлар ёрдам бериб боришади.

“Қизилқум” ҳамда “Шўртан” жамоалари ўртасидаги баҳсни бошқариб борадиган ҳакамларнинг ҳатти-ҳаракатларини Тошкентлик Рашид Айтеков назорат қилиб боради.

Эслатиб ўтамиз, ушбу баҳс Темур Тўҳтасиновнинг Олий лигадаги дебют учрашуви бўлади.