Германиянинг “РБ Лейпциг” клуби мураббийи Доменико Тедеско Чемпионлар лигаси гуруҳ босқичи 1-тур учрашувида шогирдларининг Донецкнинг “Шахтёр” клубидан учралган йирик мағлубияти ҳақида фикр билдирди. “Буқалар” кутилмаганда Украина клубига 1:4 ҳисобида имкониятни бой беришди.
“Ҳозир мен учун тўғри сўзларни топиш жуда қийин. Майдонда қандайдир "жиннилик" бор эди. Албатта, бу натижадан барчамизнинг ҳафсаламиз пир бўлди. Аммо сиз бу мағлубиятни қабул қилишингиз ва давом этишингиз керак. Энди эътиборимизни Бундеслигада "Боруссия" билан ўйинга қаратмоқдамиз", - дейди мураббий.
Иккинчи турда "РБ Лейпциг" "Реал Мадрид" меҳмони бўлади.
