Чемпионлар лигаси гуруҳ босқичи 1-тур учрашувида “Реал” меҳмонда Шотландиянинг “Селтик” клубини 3:0 ҳисобида мағлубиятга учратди. Учрашув якунлангач, жамоа бош мураббийи Карло Анчелотти ярим ҳимоячи Тони Крооснинг ўйинига юқори баҳо берди.
“Кроос “Селтик”га қарши ўйинда ажойиб футбол кўрсатди. Тони, ҳар доимгидек, тўп билан ажойиб ҳаракат қилди. У ҳали ҳам юқори савияга эга, у ажойиб футболчи", - деди италиялик мураббий AS билан суҳбатда.
Чемпионлар лигаси гуруҳ босқичининг 2-тури доирасида Анчелотти шогирдлари “Сантяго Бернабеу”да Германиянинг “Лейпциг” клубини қабул қилади. Учрашув 14 сентябрь куни бўлиб ўтади.
