"Севилья" бош мураббийи Хулен Лопетеги Чемпионлар лигаси гуруҳ босқичининг дастлабки турида "Манчестер Сити"дан учралган мағлубият ҳақида гапирди. Андалусияликлар 0:4 ҳисобида имкониятни бой беришди.
"Бизда голли вазиятлар бўлган бўлса-да, “шаҳарликлар” ҳақли равишда ғалаба қозонишди. Ҳозир жамоа жуда қийин даврни бошдан кечирмоқда, ундан тезроқ чиқиб кетиш керак. Биз умуман ўз жойимизда эмасмиз. Олдинда ҳали кўп ўйинлар бор ва ҳамма нарсани тузатиш мумкин. Биз йиғилиб, ўйинни давом эттиришимиз керак. Футболчилар бирлашишга мажбур”, - деди мураббий AFP билан суҳбатда.
Иккинчи турда “Севилья” сафарда Даниянинг “Копенгаген” жамоаси билан тўқнаш келади.
