"Тоттенхэм" бош мураббийи Антонио Конте Чемпионлар лигаси гуруҳ босқичи 1-тури доирасидаги "Марсель" устидан қозонилган ғалаба (2:0) ҳақида фикр билдирди.
“Бу кунлар алоҳида. Ўйин олдидан футболчилар билан гаплашиб, ўтган мавсумда қандай меҳнат қилганимизни, бугун шу ерда ўйнашимиз учун қандай қурбонликлар қилганимизни жуда яхши биламиз. Ўйлашимча, барчамиз бироз босимни ҳис қилдик, аммо энди хурсанд бўлишимиз керак", - дея Конте сўзларини келтирмоқда УEФА матбуот хизмати.
Чемпионлар лигаси гуруҳ босқичининг 2-турида “Марсель” “Айнтрахт” билан, “Тоттенхэм” эса “Спортинг” билан баҳс олиб боради. Ўйинлар 13 сентябр куни бўлиб ўтади.
