"Барселона" ҳужумчи Антуан Гризманн билан боғлиқ вазият туфайли "Атлетико"ни судга бермоқчи, деб хабар беради El Larugero.
Манба берган хабарга кўра, Каталония клуби судга даъво тайёрламоқда ва 31 ёшли франциялик футболчи учун зудлик билан 40 миллион евро тўлашни талаб қилади.
Қайд этилишича, "кўк-анорранглилар" ҳужумчини аллақачон Мадрид клубида тўлақонли футболчи деб ҳисобламоқда.
Эслатиб ўтамиз, Гризманн "Барселона"дан ижарага олинган "матрасчи"дир. Агар у икки мавсумда 50 фоиз ўйинда камида 45 дақиқа ўйнаса, "Атлетико" уни 40 миллион еврога сотиб олиши талаб қилинади. Жорий мавсумда кетма-кет 5 учрашувда ҳужумчи 60-дақиқадан кейин захирадан майдонга тушди.
