Туркиянинг "Фенербахче" клуби Европа Лигаси гуруҳ босқичининг 1-тур учрашувида "Динамо" (Киев) жамоасини 2:1 ҳисобида мағлуб этди.
Туркиянинг Haberler портали хабарига кўра, турк клуби мухлислари ўйинга Россия байроғи ҳамда Россия президенти Владимир Путин юзи туширилган ниқобларни олиб келишди.
Июль ойида жамоалар Чемпионлар лигаси саралаш босқичида ўзаро тўқнаш келишган. "Динамо" жамоаси томонидан киритилган биринчи голдан сўнг туркиялик мухлислар Россия президенти номини ҳайқира бошлади. Натижада УЕФА "Фенербахче" стадионининг битта уй ўйинига трибунани қисман ёпиш билан жазолади, шунингдек, 50 000 евро жаримага тортди.
