“Рома” бош мураббийи Жозе Моуриньо Европа лигаси гуруҳ босқичи 1-тури доирасидаги “Лудогорец”дан учралган мағлубият (1:2) ҳақида фикр билдирди.
Учрашув Разграддаги “Хювефарма Арена” стадионида бўлиб ўтди.
"Биз зўр ўйнамадик, аммо ютқазмаслик учун етарлича ўйин кўрсатдик. Гол уриш учун имкониятларимиз бор эди, аммо рақиб голидан кейин ҳаммаси мураккаблашди. Яхши жавоб қайтардик, ҳисобни тенглаштирдик, кейин яна гол ўтказиб юбордик. "Рома"да ҳозир ҳаммаси ёмон кетмоқда. Лекин хайриятки, биз плей-оффда эмас, гуруҳ босқичидамиз. Олдинда яна бешта ўйин бор. Биринчи учрашувда ғалаба қозониш ҳар доим фойдали ҳолатга олиб келади, аммо бунинг ўрнига биз босимни ҳис қиламиз" - деди Моуриньо Football Italia билан суҳбатда.
Европа лигаси гуруҳ босқичининг 2-турида Моуриньо шогирдлари ўз майдонида ХИК жамоаси билан ўйнайди. "Лудогорец" сафарда "Бетис" билан тўқнаш келади.
