“Roma” bosh murabbiyi Joze Mourinyo Yevropa ligasi guruh bosqichi 1-turi doirasidagi “Ludogores”dan uchralgan mag‘lubiyat (1:2) haqida fikr bildirdi.
Uchrashuv Razgraddagi “Xyuvefarma Arena” stadionida bo‘lib o‘tdi.
"Biz zo‘r o‘ynamadik, ammo yutqazmaslik uchun yetarlicha o‘yin ko‘rsatdik. Gol urish uchun imkoniyatlarimiz bor edi, ammo raqib golidan keyin hammasi murakkablashdi. Yaxshi javob qaytardik, hisobni tenglashtirdik, keyin yana gol o‘tkazib yubordik. "Roma"da hozir hammasi yomon ketmoqda. Lekin xayriyatki, biz pley-offda emas, guruh bosqichidamiz. Oldinda yana beshta o‘yin bor. Birinchi uchrashuvda g‘alaba qozonish har doim foydali holatga olib keladi, ammo buning o‘rniga biz bosimni his qilamiz" - dedi Mourinyo Football Italia bilan suhbatda.
Yevropa ligasi guruh bosqichining 2-turida Mourinyo shogirdlari o‘z maydonida XIK jamoasi bilan o‘ynaydi. "Ludogores" safarda "Betis" bilan to‘qnash keladi.
