"Бока Хуниорс" "Ривер Плейт"ни минимал ҳисобда мағлуб этиб, 204-Аргентина "класикоси" ғолибига айланди. Учрашувдаги ягона голни Дарио Бенедетто киритди, бу биринчи бўлим ўрталарида бурчак тўпидан сўнг содир бўлди.
Ҳакам ўйинга етти дақиқа қўшиб қўйди, бу вақтда Маркус Рохо майдондан четлатилди, аммо "Ривер Плейт" ўзини ўнглай олмади. Натижада “Бока Хуниорс” дербидаги 75-ғалабасини қўлга киритди, 66 марта “Ривер Плейт” ғалаба қозонган, 63 учрашув дуранг билан якунланган.
Эндиликда кетма-кет тўртта ғалабага эришган “Бока Хуниорс” турнир жадвалида пешқадам “Атлетико Тукуман”дан атиги икки очко ортда қолмоқда.
