"Boka Xuniors" "River Pleyt"ni minimal hisobda mag‘lub etib, 204-Argentina "klasikosi" g‘olibiga aylandi. Uchrashuvdagi yagona golni Dario Benedetto kiritdi, bu birinchi bo‘lim o‘rtalarida burchak to‘pidan so‘ng sodir bo‘ldi.
Hakam o‘yinga yetti daqiqa qo‘shib qo‘ydi, bu vaqtda Markus Roxo maydondan chetlatildi, ammo "River Pleyt" o‘zini o‘nglay olmadi. Natijada “Boka Xuniors” derbidagi 75-g‘alabasini qo‘lga kiritdi, 66 marta “River Pleyt” g‘alaba qozongan, 63 uchrashuv durang bilan yakunlangan.
Endilikda ketma-ket to‘rtta g‘alabaga erishgan “Boka Xuniors” turnir jadvalida peshqadam “Atletiko Tukuman”dan atigi ikki ochko ortda qolmoqda.
