"Челси" ҳимоячиси Трево Чалоба "кўклар" бош мураббийи Томас Тухелнинг ишдан бўшатилгани ҳақида ўз фикрларини билдирди.
Эслатиб ўтамиз, айнан германиялик мутахассис ўтган мавсумда англиялик футболчига асосий жамоа таркибида бир нечта ўйин ўтказишга имконият берган эди.
“Бу жуда кутилмаган эди. Хабар туфайли уйғониб кетдим. Мен бундай бўлишини кутмагандим, лекин баъзида шундай бўлади. Биз ҳозирги кунга эътибор қаратишимиз керак", - деди Чалоба Football London нашрига.
Томас Тухель қўл остида ўтган мавсумда Чалоба барча мусобақаларда 4 та гол урди. Жорий мавсумда англиялик футболчи фақат бир марта асосий таркибда майдонга тушди.
