Эртага «Пахтакор» жамоаси биринчи давранинг сўнгги учрашувини "Жар" стадионида "Меатллург"га қарши ўтказади.

Ҳозирча турнир жадвалида учинчи ўринни эгаллаб турган «Пахтакор» футболчилари эртанги баҳсда ғалаба қозонишса, иккинчи поғонага кўтарилиб олишлари мумкин. Фақат бунинг учун "Насаф"нинг очко йўқотиши талаб этилади. Бекободликлар билан беллашувни жамоа ҳимоячиси Егор Кримец ўтказиб юборади. Унинг ҳисобидаги сариқ карточкалар сони тўрттага етган. Рустам Мирсодиқов жамоасида эса йўқотишлар йўқ. Бекободликлар бу мавсумда ҳам кучли клубларга қарши муносиб ўйин намойиш этишга уринишяпти.

Олий лига тарихида жамоалар жами 28 бор тўқнаш келишган. Уларнинг 22тасида "Пахтакор" зафар қучган, 2тасида эса "Металлург". Яна 4 баҳсда дуранг натижа қайд этилган. Тўп киритиш бўйича яққол устунлик «Пахтакор» томонида - 75:17. Тошкентдаги ўйинларнинг 12тасида "шерлар" устун келган. 2 учрашувда кучлар тенг чиққан. Булардан бири ўтган мавсумда кузатилиб, ўшанда 0:0 ҳисоби ўйин охиригача ўзгармай қолиб кетганди.

«Пахтакор» – «Металлург» 

Ҳакамлар: Марат Исмоилов (Тошкент), Владлен Лушин (Гулистон), Нодир Тошматов (Фарғона), Равшан Копадзе (Фарғона). 

Назоратчи: Артём Арутюнов (Тошкент).

Ёшлар таркиблари ўртасидаги баҳс шанба куни соат 18:00да Қибрайда, асосий жамоалар учрашуви эса 1 июль, якшанба куни соат 19:00да старт олади.