"Арсенал" марказий ҳимоячиси Вильям Салиба устози Микель Артетани мақтади.
Сўнгги мавсумда 21 ёшли франциялик футболчи "Марсел"да ижара асосида ўйнаган ва жорий мавсум бошидан буён "канонирлар" таркибидан жой олган.
“Биз Артета билан мавсум бошида гаплашган эдик ва у ижарада эришган ютуқларимдан мамнун эди. Микель ажойиб мураббий, у ҳақиқатан ҳам нима қилаётганини билади. У менга ўзининг ўйин тизимига тезда мослашишга ёрдам берди. Мен ҳар куни ундан яхшироқ бўлишимга ёрдам берадиган маслаҳат оламан”, деди марказий ҳимоячи Canal+ га берган интервюсида.
Жорий мавсумда Вильям Салиба олтита ўйин ўтказиб, битта гол урди.
