Эрлинг Холанд "Манчестер Сити"даги голли сериясини узайтирди.
“Шаҳарликлар” ҳужумчиси АПЛнинг 8-туридан ўрин олган учрашувда (3:0) 16-дақиқада “Вулверхэмптон” дарвозасини ишғол қилди.
Норвегиялик футболчи кетма-кет еттита ўйиндан буён гол урмоқда. Бу даврда унинг ҳисобида 12 та гол бор.
Умуман олганда, 22 ёшли ҳужумчи "Сити" сафида барча мусобақаларда 10 ўйинда 14 та гол урган.
Премьер-лигада у 7 та ўйинда 11 та гол урди ва тўпурарлар рўйхатида биринчи ўринни эгаллаб турибди. Иккинчи ўриндаги Александр Митрович (Фулхэм) ҳисобида 6 та гол бор.
Холанд шунингдек, Премьер-лигадаги биринчи меҳмондаги тўртта ўйинда гол урган биринчи футболчига айланди.
