"Тоттенхэм"нинг италиялик устози Антонио Конте Лондон жамоасининг жорий мавсум чемпионлик учун курашдаги истиқболлари ҳақида фикр билдирди.
Контенинг ВВСга айтишича, Премьер-лига жуда қийин турнир бўлиб, унда кучли рақиблар кўп, шунинг учун "шпорлар" юқори ўринлар учун курашиш учун кўп меҳнат қилишлари керак. Италиялик мутахассис Лондон клуби эндигина муҳим нарса сари йўл бошлаганини қайд этди.
"Бизнинг амбициямиз "Ливерпуль", "Челси" ва "Манчестер Сити" каби ўсиш ва чемпионликка эришиш бўлиши керак", - дея қўшимча қилди Конте.
Эслатиб ўтамиз, айни дамда Конте бошчилигидаги "Тоттенхэм" Англия чемпионати турнир жадвалида иккинчи ўринда бормоқда. Лондонликлар бу мавсумда ҳали мағлуб бўлишмади.
