Италия терма жамоаси бош мураббийи Чезаре Прандели Евро-2012 финалидан сўнг ўз футболчиларининг функционал ҳолати кўнгилдагидек бўлмаганини йирик ҳисобдаги мағлубият – 0:4 нинг асосий сабаби қилиб кўрсатди.
"Ҳа, бу жуда аламли бўлди, лекин испанлар бизга нисбатан бардамроқ кўринганини дарҳол англаб олиш мумкин эди. Биз турнирнинг аввалги босқичларида жуда кўп куч йўқотдик ва финалгача тиклана олмадик.
Иккинчи голни ўтказиб юборганимиздан сўнг ўйинда ким ғолиб бўлиши ҳақидаги масала ўртадан кўтарилди. Шунчаки, жамоаларнинг жисмоний тайёргарлигида катта тавофут бор эди.
Нима бўлганда ҳам, Италия терма жамоаси эсда қоларли турнир ўтказди ва мен йигитларга қилган меҳнатлари учун ташаккур билдираман", – деди Пранделли RAI Sport га.
