Англиянинг “Манчестер Юнайтед” клуби қишки трансфер ойнасида таркибини кучайтириш ниятида. Бу истакни манкунианликлар бош мураббийи Эрик тен Хаг билдирди. Бу ҳақда Daily Star хабар бермоқда.
Ҳужумчи Антони (Аякс), ярим ҳимоячи Каземиро (Реал), шунингдек, ҳимоячилар Лисандро Мартинес (Аякс) ва Тирелл Маласия (Фейеноорд) ёзги трансфер ойнасида "Манчестер Юнайтед" сафига қўшилди. Шунингдек, "Ньюкасл" дарвозабони Мартин Дубравка ижара, Кристиан Эриксен эса эркин агент мақомида таркибга қўшиб олинди.
Англия Премьер-лигасида (АПЛ) ўтказилган олти ўйиндан сўнг, "Манчестер Юнайтед" 12 очко тўплади ва турнир жадвалида бешинчи ўринни эгаллаб турибди. Кейинги турда жамоа 2 октябрь куни “Манчестер Сити”га қарши баҳс олиб боради.
