Ҳужумчи Килиан Мбаппе Франция терма жамоасининг фотосессиясида иштирок этишдан бош тортди, деб хабар беради RMC Sport.
Футболчи бир неча ойдан бери федерация билан баҳслашмоқда, чунки у ўз имидж ҳуқуқларини мустақил равишда бошқармоқчи.
2017 йилнинг ёзида "ПСЖ"га ўтган ҳужумчи барча имидж ҳуқуқини клубга берган. Қайд этилишича, Мбаппе "ПСЖ" ва Франция терма жамоасининг айрим тижорат операцияларидан хавотирда.
Килиан ҳозирги ҳолатдан норози ва "ПСЖ"даги жамоадоши Лионель Месси каби ўз имидж ҳуқуқларини ўзи назорат қилмоқчи.