“Арсенал” ҳимоячиси Вильям Салиба Франция терма жамоасига УЕФА Миллатлар лигасининг сентябрь ойидаги ўйинларига чақирувига изоҳ берди.
“Сиз ўз мамлакатингизни намойиш қилсангиз, бу ажойиб. Менинг орзуим – жаҳон чемпионатида ватаним учун ўйнаш. Орзуим ушалишига умид қиламан”, — деди ҳимоячи.
Эслатиб ўтамиз, сентябрь ойида Франция терма жамоаси УЕФА Миллатлар лигасида иккита ўйин ўтказади. 22 сентябрь куни Дидье Дешам шогирдлари Австрия терма жамоаси билан, 25 сентябрь куни эса Дания термаси билан тўқнаш келади.
