Испания терма жамоаси бош мураббийи Луис Энрике "ПСЖ" ҳимоячиси Серхио Рамос терма жамоага чақирилмагани ҳақида гапирди.
“Мени доим танқид қилишган, бунда ҳеч қандай муаммо йўқ. Таркиб эълон қилингандан кейин ҳар сафар рўйхатга киритилмаган футболчи ҳақида саволлар пайдо бўлади. Мен Рамос ҳақида гапиришим мумкин, лекин мен ҳозирда энг яхши 25 нафар футболчи рўйхатига киритдим. Мен тинглашга, томоша қилишга, таҳлил қилишга тайёрман. Рамос терма жамоада ўйнаган, мен уни биламан, у мени танийди. Шубҳасиз, у жамоага қайтиши мумкин. Ҳеч бир испаниялик футболчи учун терма жамоа эшиклари ёпиқ эмас”, - деди Энрике.
Сентябрь ойида Испания терма жамоаси Миллатлар лигаси ўйинларида Швейцария (24 сентябрь) ва Португалия (27 сентябрь) жамоалари билан ўйнайди.
