Бразилия терма жамоаси ноябрь ойининг иккинчи ярмида Қатарда бошланадиган ЖЧ-2022 арафасида ўртоқлик учрашувлари олдидан йиғин ўтказмоқда.
Globo нашрининг маълум қилишича, терма жамоа устози Тите жамоанинг асосий таркибини деярли ҳал қилиб бўлди ва у ўша таркиб билан фаол ўйнамоқда. Мутахассис қуйидаги футболчиларни афзал кўрмоқда: Алиссон, Милитао, Маркиньос, Силва, Теллес, Каземиро, Пакета, Рафинья, Неймар, Винисиус, Ришарлисон.
23 сентябрь куни Бразилия терма жамоаси Гана билан, бир неча кундан кейин эса Тунис билан ўртоқлик учрашуви ўтказади.
