"Валенсия"нинг испаниялик ярим ҳимоячиси Нико Гонсалес ўзини "Реал Мадрид" футболчиси сифатида кўрмаслигини айтди.
"Реал"? Йўқ, мен болалигимдан "Барса" мухлиси ва футболчисиман. Мен ҳозир "Валенсия"да жуда бахтлиман ва ўзимни Мадрид жамоасида кўраман деб ўйламайман", - дея тан олди 20 ёшли ярим ҳимоячи.
Гонсалес - "Барселона" тарбияланувчиси ҳисобланади. У 2013 йилдан 2020 йилгача ёшлар жамоасида ўйнаган, 2021 йилда асосий жамоа футболчисига айланган. Унинг клуб билан шартномаси 2024 йилнинг ёзига қадар мўлжалланган.
Айни пайтда у "Валенсия"да ижара асосида тўп сурмоқда, бу мавсумда у Ла Лигада 6 та ўйинда майдонга тушиб, 1 та гол уришга муваффақ бўлди.
