"Наполи" энди ўз либосларида Диего Марадона расмидан фойдалана олмайди, деб хабар беради La Repubblica.
Манбага кўра, Неапол суди собиқ футболчи фарзандларининг даъвосини қаноатлантирган. "Наполи" ўтган мавсумда тадбиркор Стефано Чечидан аргентиналик футболчининг имиджига бўлган ҳуқуқларни сотиб олиб, Марадона либосидан фойдаланган. Марадонанинг меросхўрлари клуб томонидан Диего образидан кейинги фойдаланишни тақиқлашга эришдилар.
Шунингдек, улар 450 минг евро жарима тўлашни талаб қилишди, чунки Марадона ва Чечи тузган келишувга кўра, собиқ футболчи ўз имижидан фойдалангани учун тушган маблағнинг 50 фоизини олиши керак эди. “Наполи” жами 900 минг еврога 6000 та футболка сотди.
