Европа футбол ассоциациялари иттифоқи (УЕФА) Конференциялар лигаси гуруҳ босқичида “Ницца”га қарши ўйиндан сўнг "Кёльн"ни 100 минг евро жаримага тортди. Бу ҳақда жума куни УЕФА матбуот хизмати хабар берди.
“Ницца” – “Кёльн” учрашуви 8 сентябрь куни Ницца шаҳрида бўлиб ўтган ва 1:1 ҳисобида якунланган. Трибунадаги тартибсизликлар туфайли учрашув бошланиши 55 дақиқага кечиктирилди. Тартибсизликлар вақтида 32 киши жароҳатланган.
Хабарларга кўра, "Кёльн"га УЕФА шафелигида жамоанинг кейинги икки сафар ўйини учун мухлисларга чипта сотиш ҳам тақиқланган. Клуб пиротехника ишлатгани, нарсаларни улоқтиргани ва трибунадаги тартибни бузгани учун жазоланди. "Ницца" Конференциялар лигасининг навбатдаги уй учрашувини бўш трибуналарда ўтказиши керак бўлади, клубга навбатдаги сафар ўйини учун мухлисларга чипта сотиш ҳам тақиқланган.
