"Манчестер Юнайтед" клуби дарвозабони Де Хеа ватандоши Икер Касиляс ҳақида илиқ фикрларни айтиб ўтиш билан бир қаторда, унинг "Олтин тўп"ни олишга асосий даъвогарлардан бири эканлигини таъкидлаб ўтди.
"У дунёдаги энг яхши дарвозабон. Касиляс бир неча йиллардан буён юқори савияда ўйин намойиш этиб келмоқда. Шунингдек, у ""Реал Мадрид" клуби ҳамда Испания терма жамоасининг сардори" дейди дарвозабон AS нашрига берган интервьюсида.
"У сўнгги тўрт йил ичида терма жамоа билан учта мусобақада ғолиб бўлди. Узоқ вақтлардан буён футбол элитасининг бир қисми бўлиб келмоқда. Менимча, дарвозабонларга ҳам "Олтин тўп" бериш вақти келди. Икер "Олтин тўп"га арзийди."
