Англия Премьер-лигасининг навбатдаги турида “Арсенал” муваффақиятли ўйнаб, "Тоттенхэм" жамоасини 3:1 ҳисобида мағлуб этди. "Арсенал" бош мураббийи Микель Артета ўйин ҳақидаги фикрлари билан ўртоқлашди.
"Футболчилар ўйинни ўз қўлларига олишди ва биз ғалабага ҳақли эдик. Бу бутун жамоанинг муваффақияти - дарвозабондан тортиб ҳужумчигача. Бугун ўйинчилар ўртасида яққол муносабатлар кўзга ташланди. Умид қиламанки, бундай ғалабалар футболчиларнинг ўз қобилиятига бўлган ишончини оширади. Биз тўғри йўналишда ҳаракат қилмоқдамиз. Футболчилар камтарин ва майдонда яхши ҳаракат қилишмоқда, бу тўғри менталитет, чунки биз ҳали ҳеч нарса ютганимиз йўқ, - дейди "Арсенал" устози BBC Sport билан суҳбатда.
